புகர்

சொல் பொருள்

(பெ) 1. குற்றம், 2. புள்ளி, 3. கஞ்சி, 4. கபில நிற காளை,

சொல் பொருள் விளக்கம்

1. குற்றம்,

மொழிபெயர்ப்புகள்

ஆங்கிலம்

fault, blemish, defect, spot, rice-water used as starch, tawny coloured bull

தமிழ் இலக்கியங்களில் பயன்பாடு:

தகரன் மஞ்ஞையன் புகர் இல் சேவல் அம்
கொடியன் நெடியன் தொடி அணி தோளன் – திரு 210,211

கிடாயையும், மயிலையும் உடையவன், குற்றமில்லாத கோழிக்
கொடியை உடையவன், நெடுக வளர்ந்தவன், தொடியை அணிந்த தோளையுடையவன்,

புகர் வாய் குழிசி பூ சுமட்டு இரீஇ – பெரும் 159

(தயிர்)புள்ளிபுள்ளியாகத் தெரிந்த வாயையுடைய மோர்ப்பானையை மெல்லிய சுமட்டின் மேல் வைத்து

புகா புகர் கொண்ட புன் பூ கலிங்கமொடு – நற் 90/4

சோற்றுக் கஞ்சி தோய்க்கப்பெற்ற சிறிய பூவேலைப்பாடு கொண்ட ஆடையோடு

கணம்_கொள் பல் பொறி கடும் சின புகரும் – கலி 105/16

பேரளவிலான பலவித புள்ளிகளைக் கொண்ட பெருங்கோபமுள்ள புகர்நிறக் காளையும்

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்