வௌவு

சொல் பொருள்

பறி, கைப்பற்று, வழிப்பறி செய், கொள்ளையடி,

சொல் பொருள் விளக்கம்

பறி, கைப்பற்று, வழிப்பறி செய், கொள்ளையடி,

மொழிபெயர்ப்புகள்

ஆங்கிலம்

seize, snatch, rob

தமிழ் இலக்கியங்களில் பயன்பாடு:

தெண் திரை பாவை வௌவ
உண்கண் சிவப்ப அழுது நின்றோளே – ஐங் 125/2,3

தெளிந்த அலைகள் மணற்பாவையை அடித்துச் செல்ல
மையுண்ட கண்கள் சிவந்துபோகுமாறு அழுதுகொண்டு நின்றிருந்தவளை

அத்தம் செல்வோர் அலற தாக்கி
கைப்பொருள் வௌவும் களவு ஏர் வாழ்க்கை
கொடியோர் – பெரும் 39-41

(வேறு ஊர்களுக்கான)வழியில் போவாரை (அவர்)கதறும்படி வெட்டி,
(அவர்)உடைமைகளைக் கொள்ளையடிக்கும் களவே உழவு (போலத் தொழிலாகவுடைய)வாழ்வாகக்கொண்ட
கொடியவர்

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்