இமிர்

சொல் பொருள்

(வி) ரீங்காரம் செய்

சொல் பொருள் விளக்கம்

ரீங்காரம் செய்

மொழிபெயர்ப்புகள்

ஆங்கிலம்

buzz

தமிழ் இலக்கியங்களில் பயன்பாடு:

வண்டு வகைகளான சுரும்பு, தும்பி, ஞிமிறு ஆகியவை பறக்கும்போது எழுப்பும் ஒலி.

வண்டு இமிர் சுடர் நுதல் குறு_மகள் – ஐங் 254/3

சுரும்பு இமிர் கானம் நாம் பாடினம் பரவுதும் – கலி 106/48

தொடிமகள் முரற்சி போல் தும்பி வந்து இமிர்தர – கலி 36/4

வரி ஞிமிறு இமிரும் மார்பு பிணி மகளிர் – பதி 50/18

buzzing என்பதற்குரிய தூய தமிழ்ச்சொல் இமிர்தல்.

வீணையின் ஒரு நரம்பை இழுத்து விட்டால் ‘டொய்ங்ங்ங்ங்ங்ங்..’ என்று ஒலிக்குமே
அதுவும் இமிர்தல்தான்.

கை கவர் நரம்பின் இம்மென இமிரும் – குறி 147

இந்த அடி இமிர்தலோடு அதன் ஒலிக்குறிப்பையும் குறிப்பிடுவதைக் கவனியுங்கள்.

சில வேளைகளில் குழல், தூம்பு போன்ற துளைக் கருவிகள் மெல்லிய ஓசை எழுப்புவதுவும்
இமிர்தல் எனப்பட்டுள்ளது.

இளி பயிர் இமிரும் குறும் பரம் தூம்பொடு – மலை 7
கை வைத்து இமிர்பு குழல் காண்குவோரும் – பரி 19/41

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்