கவ்வை

சொல் பொருள்

(பெ) 1. எள்ளின் இளங்காய், 2. பழிச்சொல்,  3. ஒலி, 

சொல் பொருள் விளக்கம்

எள்ளின் இளங்காய்,

மொழிபெயர்ப்புகள்

ஆங்கிலம்

Green sesamum seed, slander, scandal, sound, noise, din

தமிழ் இலக்கியங்களில் பயன்பாடு:

ஒருசார் சிறுதினை கொய்ய கவ்வை கறுப்ப – மது 271

சிறிய தினைக்கதிர்கள் கொய்யப்பட, எள்ளின் இளங்காய்கள் முற்றிக்கறுக்க,

வெம் வாய் பெண்டிர் கவ்வை தூற்ற – நற் 133/6

கொடியனவற்றைப் பேசும் பெண்டிர் பழிச்சொற்களைத் தூற்ற,

செவ்வி கொள் வரகின் செம் சுவல் கலித்த
கவ்வை நாற்றின் கார் இருள் ஓர் இலை – குறு 282/1,2

பருவத்தே வளர்ந்த வரகின் சிவந்த மேட்டுநிலத்தில் தழைத்த
ஒலி எழுப்பும் நாற்றின் மிக்க கருநிறமுடைய ஒற்றை இலையை

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்