கூம்பு

சொல் பொருள்

 குவி, ஊக்கம் குன்று, பாய்மரம்

சொல் பொருள் விளக்கம்

 குவி

மொழிபெயர்ப்புகள்

ஆங்கிலம்

fold, close, shut, as a flower

lose courage, zeal, or enthusiasm

mast

தமிழ் இலக்கியங்களில் பயன்பாடு:

நெய்தல் கூம்ப நிழல் குணக்கு ஒழுக – நற் 187/1

நெய்தல் மலர்கள் குவிந்துபோக, நிழல்கள் கிழக்குத் திசையில் நீண்டுவிழ,

வடவர் வாட குடவர் கூம்ப
தென்னவன் திறல் கெட சீறி – பட் 276,277

வடநாட்டவர் களையிழக்க, குடநாட்டவர் (மனவெழுச்சி)குன்றிப்போக,
பாண்டியன் வலியழிய, சினங்கொண்டு,

பச்சிறா கவர்ந்த பசும் கண் காக்கை
தூங்கல் வங்கத்து கூம்பில் சேக்கும் – நற் 258/8,9

பசிய இறாமீனைக் கவர்ந்த பசுமையான கண்களைக்கொண்ட காக்கை,
அசைவாடிக்கொண்டிருக்கும் தோணியின் பாய்மரத்தில் சென்றுதங்கும்

தூங்கு நாவாய் துவன்று இருக்கை
மிசை கூம்பின் நசை கொடியும் – பட் 174,175

அசைகின்ற (நெருக்கமாய் நின்று காத்திருக்கும்)மரக்கலங்களின் நெருக்கமான இருப்பினில்,
(அவற்றின்)மேல் (நட்ட)பாய்மரத்தின் (மேலெடுத்த)விருப்பம் தரும் கொடிகளும்

கூம்பொடு
மீ பாய் களையாது மிசை பரம் தோண்டாது – புறம் 30/11,12

கூம்புடனே
மேற் பூரிக்கப்பட்ட பாயை மாற்றாமல்
அதன் மேற்பாரத்தையும் பறியாமல்

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்