தளி

சொல் பொருள்

(வி) துளி, சொட்டு, 2. (பெ) 1. மழைத்துளி, 2. முதல் மழை, 3. மேகம்

சொல் பொருள் விளக்கம்

துளி, சொட்டு,

மொழிபெயர்ப்புகள்

ஆங்கிலம்

drip, trickle, rain drop, first shower of rain in a season, cloud

தமிழ் இலக்கியங்களில் பயன்பாடு:

நுண் மழை தளித்து என நறு மலர் தாஅய் – ஐங் 328/1

நுண்ணிதான மழைத்துளிகள் வீழ்ந்ததால் நறிய மலர்கள் உதிர்ந்து பரவி

தன் பாடிய தளி உணவின்
புள் தேம்ப புயல் மாறி – பட் 3,4

தன்னை(மேகத்தை)ப் பாடிய, மழைத்துளியையே உணவாகக்கொண்ட
வானம்பாடி வருந்த மழை பெய்யாமற்போக

தான் வந்தன்றே தளி தரு தண் கார் – குறு 65/3

தான் வந்தது முதல்மழையைத் தரும் குளிர்ந்த கார்ப்பருவம்

தளியின் சிறந்தனை வந்த புலவர்க்கு – கலி 50/16

மேகத்தினும் சிறந்தவனாக, உன்னை நாடி வந்த புலவர்க்கு

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்