நாட்டம்

சொல் பொருள்

(பெ) 1. சோதிடம், 2. கண், பார்வை, 3. ஆராய்ச்சி,  4. நாடுதல், விருப்பம்.நோக்கம்,

சொல் பொருள் விளக்கம்

சோதிடம்,

மொழிபெயர்ப்புகள்

ஆங்கிலம்

 astrology, eye, sight, examination, investigation, desire, intension, aim

தமிழ் இலக்கியங்களில் பயன்பாடு:

சொல் பெயர் நாட்டம் கேள்வி நெஞ்சம் என்று
ஐந்து உடன் போற்றி அவை துணை ஆக
எவ்வம் சூழாது விளங்கிய கொள்கை – பதி 21/1-3

சொல்லிலக்கணம், பொருளிலக்கணம், சோதிடம், வேதம், ஆகமம் ஆகிய
ஐந்தினையும் சேர்ந்து கற்று, அவையே துணையாக,
எவ்வுயிருக்கும் துன்பம் சூழாமல் விளங்கும் கொள்கையுடன்,

நுதலது இமையா நாட்டம் – அகம் 0/4

நெற்றியில் உள்ளது இமைக்காத கண்

அறம் புரிந்து அன்ன செங்கோல் நாட்டத்து
முறை வேண்டு பொழுதின் – புறம் 35/14,15

அறக்கடவுள் மேவி ஆராய்ந்தாற்போன்ற
செங்கோலால் ஆராயும் ஆராய்ச்சியையுடைய
நீதியைக் கேட்கவேண்டும்காலத்து

புனிற்று புலால் நெடு வேல்
எழு பொறி நாட்டத்து எழாஅ தாயம்
வழு இன்று எய்தியும் அமையாய் – புறம் 99/6-8

நாள்தோறும் புதிய ஈரம் புலராத புலாலையுடைய நெடிய வேலையுமுடைய
ஏழிலாஞ்சனையும், நாடுதலையுடைய ஒருநாளும் நீங்காத அரசவுரிமையை
தப்பின்றாகப் பெற்றும் அமையாய்

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்