நீர்மை

சொல் பொருள்

(பெ) 1. தன்மை, இயல்பு, 2. இன்சொல், 3. இனிய குணம், 4. நிலைமை,

சொல் பொருள் விளக்கம்

தன்மை, இயல்பு,

மொழிபெயர்ப்புகள்

ஆங்கிலம்

nature, inherent quality, affability, goodness, state, condition

தமிழ் இலக்கியங்களில் பயன்பாடு:

கண் நோக்கு ஒழிக்கும் கவின் பெறு பெண் நீர்மை
மயில் எருத்து வண்ணத்து மாயோய் – கலி 108/37,38

கண்களைக் கூசவைக்கும் பேரழகு பெற்ற பெண்ணியல்பையும், மயில் கழுத்தின் நிறத்தையுமுடைய மாநிறத்தவளே

நீர் உரைசெய் நீர்மை இல் சூள் என்றி நேர்_இழாய் – பரி 8/73

நீர் சொல்வது இன்சொல் இல்லாத சூள்’ என்கிறாய்! நேரிய இழைகளை அணிந்தவளே!

கடும் தேர் இளையரொடு நீக்கி நின்ற
நெடுந்தகை நீர்மையை – அகம் 310/1,2

விரைந்து செல்லும் தேரினை ஏவலாளருடன் சேய்மைக்கண் நிறுத்தி இங்கு வந்து நிற்கும் பெருந்தன்மையாகிய இனிய குணத்தினை உடையவன் ஆகின்றாய்

விழவின் கோடியர் நீர்மை போல முறை_முறை
ஆடுநர் கழியும் இவ் உலகத்துக் கூடிய
நகைப்புறனாக நின் கொற்றம் – புறம் 29/22-25

விழவின்கண் ஆடும் கூத்தரது கோலத்தைப் போல, அடைவடைவே தோன்றி இயங்கி இறந்துபோகின்ற இவ்வுலகத்தின்கண் பொருந்திய மகிழ்ச்சியிடத்ததாக நின்னுடைய கிளை

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்