பாட்டி

சொல் பொருள்

(பெ) 1. பாணர் மகளிர், 2. பெற்றோரின் தாய்,

சொல் பொருள் விளக்கம்

1. பாணர் மகளிர்

மொழிபெயர்ப்புகள்

ஆங்கிலம்

Woman of the class of strolling singers

grandmother

தமிழ் இலக்கியங்களில் பயன்பாடு:

வேட்டம் மறந்து துஞ்சும் கொழுநர்க்கு பாட்டி
ஆம்பல் அகல் இலை அமலை வெம் சோறு
—————————————- ——————————-
விடியல் வைகறை இடூஉம் ஊர – அகம் 196/4-7

வேட்டம் போதலை மறந்து உறங்கிக்கிடக்கும் கணவன்மார்க்கு, அவரவர் மனைவியரான பாண் மகளிர்
ஆம்பலது அகன்ற இலையில் திரண்ட விருப்பம்தரும் சோற்றை
—————————— ——————
இருள் புலரும் விடியற்காலத்தே இடும் ஊரனே

பாணர் வருக பாட்டியர் வருக – மது 749

பாணர் வருவாராக, பாணிச்சியர் வருவாராக,

மட நடை பாட்டியர் தப்பி தடை இறந்து
தாம் வேண்டும் பட்டினம் எய்தி – பரி 10/37,38

தளர்நடைப் பாட்டியரிடமிருந்து தப்பித்து, தடைகளை மீறிக் காதலரை எதிர்கொள்ள,
தாம் நினைக்கும் பட்டினத்தை நோக்கி வந்து

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்