வறல்

சொல் பொருள்

(பெ) 1. உலர்ந்துபோதல், 2. வறட்சி,  3. வறண்ட நிலம், 4. காய்ந்த சிறுகுசி, சுள்ளி,

சொல் பொருள் விளக்கம்

உலர்ந்துபோதல்,

மொழிபெயர்ப்புகள்

ஆங்கிலம்

drying up, drought, parched land, dried twig

தமிழ் இலக்கியங்களில் பயன்பாடு:

வறல் குழல் சூட்டின் வயின்_வயின் பெறுகுவிர் – சிறு 163

உலர்ந்த குழல்மீனைச் சுட்டதனோடு இடங்கள்தோறும் பெறுவீர்:

அருவி அற்ற பெரு வறல் காலையும் – பதி 28/9

அருவிகள் வற்றிப்போன பெரும் வறட்சியான காலத்திலும்

எரி மேய்ந்த கரி வறல் வாய் புகவு காணாவாய் – கலி 13/2

நெருப்பு பரவலாய்ச் சுட்டதினால் கரியாகி வறண்டு போன நிலத்தில் பசித்த வாய்க்குப் பச்சை இலை
கிடைக்காதவையாய்

ஆழ் நீர்
அறு கய மருங்கில் சிறு கோல் வெண் கிடை
என்றூழ் வாடு வறல் போல நன்றும்
நொய்தால் அம்ம – புறம் 75/7-10

தாழ்ந்த நீரையுடைய
வற்றிய கயத்திடத்து சிறிய தண்டாகிய வெளிய நெட்டியின்
கோடைக்கண் உலர்ந்த சுள்ளியைப் போலப் பெரிதும்
நொய்து

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்