கவான்

சொல் பொருள்

(பெ) மலைச்சரிவு,

சொல் பொருள் விளக்கம்

மலைச்சரிவு, 

மொழிபெயர்ப்புகள்

ஆங்கிலம்

mountain slope

தமிழ் இலக்கியங்களில் பயன்பாடு:

கவான் என்பது மலைச்சரிவு என்றாலும், மலையின் உச்சியை ஒட்டிய சரிவான பகுதியையே
 இது குறிக்கும்.

வான் தோய் சிமைய விறல் வரை கவாஅன் – அகம் 3/6

விண்ணைத் தொடும் முகடுகளைக் கொண்ட பெருமை மிக்க மலைச் சரிவில்

எனவே இந்த மலைச்சரிவு மலையின் உச்சியை அடுத்தது என்பது விளங்கும்.
இதன் உச்சியில் மேகங்கள் தவழுகின்றனவாம்.

மழை ஆடு சிமைய மால் வரை கவாஅன் – பட் 138

மழை என்பது மேகம், சிமையம் என்பது உச்சி.

வான் உற நிவந்த பெரு மலை கவாஅன் – நற் 53/4

நிவத்தல் என்பது உயர்ந்து நிற்றல்.

விண் தொட நிவந்த விலங்கு மலை கவாஅன் – குறு 262/6

விண் பொரு நெடு வரை கவாஅன் – அகம் 173/17

விண் தோய் சிமைய விறல் வரை கவாஅன் – அகம் 179/1

விண்ணைத்தொட்டு நிற்கிறதாம் இந்தச் சரிவின் உச்சி.

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்