பெருகு

சொல் பொருள்

(வி) 1. அளவு அல்லது எண்ணிக்கையில் மிகு, அதிகமாகு, 2. வளர்ச்சியடை, முன்னேற்றம்காண்,

சொல் பொருள் விளக்கம்

1. அளவு அல்லது எண்ணிக்கையில் மிகு, அதிகமாகு,

மொழிபெயர்ப்புகள்

ஆங்கிலம்

increase, multiply, improve, augment

தமிழ் இலக்கியங்களில் பயன்பாடு:

நோயும் பெருகும் மாலையும் வந்தன்று – நற் 397/5

காதல்நோயும் அதிகமாகின்றது; மாலைக்காலமும் வந்துவிட்டது;

மொழி பல பெருகிய பழி தீர் தேஎத்து
புலம் பெயர் மாக்கள் கலந்து இனிது உறையும்
முட்டா சிறப்பின் பட்டினம் – பட் 216-218

மொழிகள் பல மிகுந்த குற்றமற்ற (பிற)தேசங்களிலே (தத்தம்)நிலத்தைக் கைவிட்டுப்போந்த மக்கள் கூடி மகிழ்ந்து இருக்கும், குறைவுபடாத சிறப்புகள் கொண்ட – பட்டினம்

இரவல் மாக்கள் சிறுகுடி பெருக
உலகம் தங்கிய மேம்படு கற்பின்
வில்லோர் மெய்ம்மறை – பதி 59/7-9

இரந்துண்ணும் மக்கள் வாழும் ஊர்களில் வளம் சிறக்கும்படியாக உலகத்து உயிர்களைத் தாங்குகின்ற, மேம்பட்ட கல்வியறிவையுடைய வில்வீரர்களுக்குக் கவசம் போன்றவனே

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்