முனிவு

சொல் பொருள்

(பெ) 1. வெறுப்பு, 2. கோபம், 3. வருத்தம், 

சொல் பொருள் விளக்கம்

வெறுப்பு,

மொழிபெயர்ப்புகள்

ஆங்கிலம்

dislike, aversion, anger, suffering

தமிழ் இலக்கியங்களில் பயன்பாடு:

வாழ்தல், இனிது என மகிழ்ந்தன்றும் இலமே முனிவின்
இன்னாது என்றலும் இலமே – புறம் 192/4-6

வாழ்தலை இனிது என்று உவந்ததும் இலம், ஒரு வெறுப்பு வந்தவிடத்து
இன்னாதென்று இருத்தலும் இலம்

முனிவு இல் பரத்தையை என் துறந்து அருளாய் – நற் 230/6

உன்மேல் கோபம் இல்லாத உன் பரத்தைக்கு, என்னைத் துறந்து, அருள்செய்வாய்!

முனிவு இகந்திருந்த முது வாய் இரவல – சிறு 40

(வழி)வருத்தம் தீர்ந்திருந்த பேரறிவு வாய்க்கப்பெற்ற இரவலனே,

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்