குண்டு என்பது ஆழமான நீர்நிலை
1. சொல் பொருள்
(பெ) 1. ஆழம், 2. ஆழமான நீர்நிலை 3. தாழ்ச்சி,
(உ) 1. பருத்த 2.உருண்டு கனத்த
2. சொல் பொருள் விளக்கம்
குண்டு மிக ஆழத்தைக் குறித்துப் பழநாளில் வழங்கியது. ‘குண்டுகண் அகழி’ என்பது புறநானூறு.
மொழிபெயர்ப்புகள்
3. ஆங்கிலம்
depth, pond, state of being low, fat
4. தமிழ் இலக்கியங்களில் பயன்பாடு
குண்டு சுனை பூத்த வண்டு படு கண்ணி – திரு 199
ஆழமான சுனையில் பூத்த மலர்(புனையப்பட்ட) வண்டு வீழ்கின்ற மாலையினையும்
திண் தேர் குழித்த குண்டு நெடும் தெருவில் – பெரும் 397
திண்ணிய தேர்கள் பலமுறை ஓடிக் குழித்த தாழ்ச்சியையுடைய நீண்ட தெருவில்
அரும் குழு மிளை குண்டு கிடங்கின் – மது 64
தெண் கடல் குண்டு அகழி – மது 86
முழவின் மகிழ்ந்தனர் ஆடி குண்டு நீர் – மது 585
குமிழி சுழலும் குண்டு கய முடுக்கர் – மலை 213
விழுந்தோர் மாய்க்கும் குண்டு கயத்து அருகா – மலை 220
குண்டு நீர் ஆம்பல் தண் துறை ஊரன் – நற் 100/3
குண்டு நீர் நெடும் சுனை நோக்கி கவிழ்ந்து தன் – நற் 151/10
களிறு பொர கரைந்த கய வாய் குண்டு கரை – நற் 292/5
உண்துறை மகளிர் இரிய குண்டு நீர் – நற் 310/3
குண்டு நீர் இலஞ்சி கெண்டை கதூஉம் – குறு 91/2
குண்டு நீர் ஆம்பலும் கூம்பின இனியே – குறு 122/2
அதலை குன்றத்து அகல் வாய் குண்டு சுனை – குறு 59/2
குண்டு நீர் பைம் சுனை பூத்த குவளை – குறு 291/6
குண்டு நீர் தாமரை கொங்கின் அன்ன – குறு 300/3
கடி மிளை குண்டு கிடங்கின் – பதி 20/17
கடி மிளை குண்டு கிடங்கின் – பதி 22/24
குண்டு கண் அகழிய மதில் பல கடந்து – பதி 45/7
கோள் வல் முதலைய குண்டு கண் அகழி – பதி 53/8
குண்டு கண் அகழிய குறும் தாள் ஞாயில் – பதி 71/12
கடி மிளை குண்டு கிடங்கின் – பதி 92/12
செக்கர் ஞெண்டின் குண்டு அளை கெண்டி – அகம் 20/4
வண்டு பட நீடிய குண்டு சுனை நீலத்து – அகம் 149/17
பார் உடைத்த குண்டு அகழி – புறம் 14/5
குரூஉ கெடிற்ற குண்டு அகழி – புறம் 18/10
நில வரை இறந்த குண்டு கண் அகழி – புறம் 21/2
கராஅம் கலித்த குண்டு கண் அகழி – புறம் 37/7
தீம் நீர் பெரும் குண்டு சுனை பூத்த குவளை – புறம் 116/1
குண்டு நீர் வரைப்பின் கூடல் அன்ன – புறம் 347/6
குறும்பு அடு குண்டு அகழ் நீள் மதில் ஊரே – புறம் 379/18
குறிப்பு
இது சங்க இலக்கியங்களில் இடம்பெற்றுள்ளது
நன்றி
இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.
நன்றி.
அன்புடன்