சேண்

சொல் பொருள்

(பெ) 1. தூரம், சேய்மை, 2. உயரம்,  3. நெடுங்காலம், 

சொல் பொருள் விளக்கம்

தூரம், சேய்மை,

மொழிபெயர்ப்புகள்

ஆங்கிலம்

remoteness, distance, height, loftiness, long span of time

தமிழ் இலக்கியங்களில் பயன்பாடு:

ஓ அற இமைக்கும் சேண் விளங்கு அவிர் ஒளி – திரு 3

ஒழிவு இல்லாமல் மின்னும் சேய்த்துநின்று ஒளிரும் பிரகாசமான ஒளியையுடைய

சிதர் நனை முருக்கின் சேண் ஓங்கு நெடும் சினை – சிறு 254

மழைத்துளியில் நனைந்த முருக்க மரத்தின் மிக்க உயரத்திற்கு வளர்ந்த நீண்ட கொம்பில்

திரியா சுற்றமொடு முழுது சேண் விளங்கி
நடுக்கு இன்றி நிலியரோ – புறம் 2/19,20

வேறுபாடில்லாத மந்திரிச் சுற்றத்தோடு ஒழியாது நெடுங்காலம் விளங்கி
துளக்கமின்றி நிற்பாயாக

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்