பண்ணை

சொல் பொருள்

(பெ) 1. மகளிர் நீர்விளையாட்டு, 2. இசை, 3. ஒருவகைக் கீரை

சொல் பொருள் விளக்கம்

1. மகளிர் நீர்விளையாட்டு,

மொழிபெயர்ப்புகள்

ஆங்கிலம்

girls’ water play, melody-type, a kind of greens

தமிழ் இலக்கியங்களில் பயன்பாடு:

கரை சேர் மருதம் ஏறி
பண்ணை பாய்வோள் தண் நறும் கதுப்பே – ஐங் 74/3,4

கரையைச் சேர்ந்த மருதமரத்தில் ஏறி,
நீருக்குள் பாய்பவளின் குளிர்ந்த நறிய கூந்தல்.

வண்ண வண்டு இமிர் குரல் பண்ணை போன்றனவே – பரி 14/4

நிறம் மிக்க வண்டுகள் எழுப்பும் இசை, பண்களைப் போன்றிருந்தனவே!

பண்ணை வெண் பழத்து அரிசி ஏய்ப்ப – அகம் 393/9

பண்ணைக்கீரையின் வெள்ளிய பழத்தின் விதையை ஒப்ப

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்