முகவை

சொல் பொருள்

நீர் முகக்கும் வாளி,

வாளி / குடத்தில் முகக்கப்பட்ட நீர்,

முகந்து கொடுக்கப்படும் பொருள்

 மிகுதியாகக் கொடுக்கப்படும் பொருள்,

சொல் பொருள் விளக்கம்

நீர் முகக்கும் வாளி,

மொழிபெயர்ப்புகள்

ஆங்கிலம்

bucket for drawing water

water drawn in a bucket or pot

anything given by a measuring vessel

anything given in large numbers / quantities

தமிழ் இலக்கியங்களில் பயன்பாடு:

சிரறு சில ஊறிய நீர் வாய் பத்தல்
கயிறு குறு முகவை மூயின மொய்க்கும்
ஆ கெழு கொங்கர் நாடு – பதி 22/13-15

அங்கொன்றும் இங்கொன்றுமாய்ச் சிறிதளவு ஊறிய நீரைக் கொண்ட பள்ளத்தில்
கயிறுகட்டி மேலிழுத்து நீர் முகந்த பாத்திரத்தைச் சூழ்ந்துகொண்டு மொய்த்துநிற்கும்
பசுக்கள் நிறைந்த கொங்கர் நாட்டினை

தெண் கண் உவரி குறை குட முகவை – அகம் 207/11

தெளிந்த உவரையுடையதாகிய குறைக்குடமாக முகக்கப்பட்ட நீரை

நெடும் கொடி நுடங்கும் நறவு மலி மறுகில்
பழம் செந்நெல்லின் முகவை கொள்ளாள்
கழங்கு உறழ் முத்தமொடு நன் கலம்பெறூஉம் – அகம் 126/10-12

நீண்ட கொடிகள் அசையும் கள் மிக்க தெருவில்
பழைய செந்நெல்லை முகந்து தருதலைக் கொள்ளாளாகி
கழங்கினை ஒத்த பெரிய முத்துக்களுடன் சிறந்த அணிகளையும்பெறும்

வேழ முகவை நல்கு-மதி – புறம் 369/27

களிறுகளாகிய மிகுந்த பரிசிலை நல்குவாயாக

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்