Skip to content

சொல் பொருள்

1. (வி) பழி, திட்டு, இழிசொல்கூறு, 2. (பெ) 1. பழிப்பு, இழிசொல், திட்டு, 2. குற்றம்,

சொல் பொருள் விளக்கம்

பழி, திட்டு, இழிசொல்கூறு,

மொழிபெயர்ப்புகள்

ஆங்கிலம்

make slanderous remarks

abuse, blame, calumny

fault, defect

தமிழ் இலக்கியங்களில் பயன்பாடு:

பிழையா விளையுள் நாடு அகப்படுத்து
வையா மாலையர் வசையுநர் கறுத்த
பகைவர் தேஎத்து ஆயினும்
சினவாய் ஆகுதல் இறும்பூதால் பெரிதே – பதி 32/14-17

தவறாத விளைச்சலையுடைய நாடுகளைக் கைப்பற்றி,
ஒரு பொருட்டாக மதிக்கத்தகாத இயல்பினரும், வசைமொழியே பேசுபவரும் ஆகிய உன்னால் வெகுளப்பட்ட
பகைவரின் நாட்டில் இருப்பினும்,
சினங்கொள்ளாது இருக்கிறாய்! எனக்குண்டாகும் வியப்பு பெரியது!

வருநர்க்கு வரையா வசை இல் வாழ்க்கை – புறம் 10/8

விருந்தினர்க்கு மிகுதி குறைபடாமல் வழங்கும் பழி தீர்ந்த மனை வாழ்க்கையை

வலம்புரி அன்ன வசை நீங்கு சிறப்பின் – பெரும் 35

வலம்புரி(ச் சங்கை) ஒத்த, குற்றம் தீர்ந்த தலைமையினையும்,

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்

Leave a Reply

Your email address will not be published. Required fields are marked *