ஆவியர்

சொல் பொருள்

(பெ) 1. வேள் ஆவி என்பானின் மரபினர், 2. நறுமணப்புகை ஊட்டியவர்

சொல் பொருள் விளக்கம்

1. வேள் ஆவி என்பானின் மரபினர்

பேகன் என்ற வள்ளல் இந்த குடியில் வந்தவன்

மொழிபெயர்ப்புகள்

ஆங்கிலம்

A family descended from Avi of Pothini mountains

those who apply fragrant fumes

தமிழ் இலக்கியங்களில் பயன்பாடு:

கான மஞ்ஞைக்கு கலிங்கம் நல்கிய
அரும் திறல் அணங்கின் ஆவியர் பெருமகன்
பெரும் கல் நாடன் பேகனும் – சிறு 85-87

காட்டு மயிலுக்குத் தன் போர்வையைத் தந்த
அரிய வலிமையுடைய வடிவமுள்ள ஆவியர் குடியிற் பிறந்த பெருமகன்,
பெரிய மலை நாட்டையுடைய பேகனும்

கை புனை தாரினர் கண்ணியர்
ஐ எனும் ஆவியர் ஆடையர் – பரி 24/11,12

(பெண்கள்)திறம்படக் கையால் புனையப்பட்ட மாலை சூடியவராய், (ஆண்கள்)தலை மாலை சூடியவராய்,
(பெண்கள்)வியத்தகுவகையில் நறுமணப்புகை ஊட்டிக்கொண்டவராய், (ஆண்கள்)வியத்தகு ஆடை அணிந்தவராய்,

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்