சொல் பொருள்
(பெ) மயில்தோகை,
குழாய்
மயில் தோகைபோல் அமைந்த காலணிகலம்
கடலைச் செடியின் விழுது
பனங்கிழங்கு முளை
சுறாமீனின் சிறகை அல்லது செதிலைப் பீலி என்பது சீர்காழி வட்டார வழக்கு
வாழையின் பக்கக் கன்றைப் பீலிக் கன்று என்பது நெல்லை வழக்கு
பெருவிரலுக்கு அடுத்த விரலைப், பீலிவிரல் என்பது நாகர்கோயில் வழக்கு.
சொல் பொருள் விளக்கம்
குழாயைப் பீலி என்பது செட்டி நாட்டு வழக்கு. பீலி என்பது மயில் தோகை போன்ற காலணிகலப் பெயராகத் தென்னக வழக்கில் உள்ளது. மிஞ்சி, கட்டுகம், பீலி என்பர். “பீலி பெய்சாகாடும்” என்பது குறள். பீலியின் காம்பு துளையாக இருப்பது கொண்டு குழாய்க்குப் பெயராயது.
பீலி=மயில் தோகை; மயில் தோகைபோல் அமைந்த காலணிகலம் பீலி எனப்படுகின்றது. கட்டுகம் பீலி மிஞ்சி என்பவற்றுள் ஒன்று அது. கடலைச் செடியின் விழுதைப் பீலி என்பது பேராவூரணி வழக்கு. பனங்கிழங்கு முளையைப் பீலி என்பது தூத்துக்குடி வட்டார வழக்கு. சுறாமீனின் சிறகை அல்லது செதிலைப் பீலி என்பது சீர்காழி வட்டார வழக்கு. வாழையின் பக்கக் கன்றைப் பீலிக் கன்று என்பது நெல்லை வழக்கு. பெருவிரலுக்கு அடுத்த விரலைப், பீலிவிரல் என்பது நாகர்கோயில் வழக்கு.
மொழிபெயர்ப்புகள்
ஆங்கிலம்
Peacock’s feather
தமிழ் இலக்கியங்களில் பயன்பாடு: ஒலி நெடும் பீலி துயல்வர இயலி ஆடு மயில் அகவும் நாடன் – குறு 264/2,3 தழைத்த நெடிதான தோகை அசையுமாறு வேகமாக நடந்து ஆடுகின்ற மயில்கள் அகவும் நாட்டினன் பழன மஞ்ஞை உகுத்த பீலி கழனி உழவர் சூட்டொடு தொகுக்கும் – புறம் 13/10,11 வயலிடத்து மயில் உதிர்த்த அதன் தோகையை அங்குள்ள உழவர் நெல் சூட்டுடன் திரட்டும்
குறிப்பு
இது சங்க இலக்கியங்களில் இடம்பெற்றுள்ளது
இது ஒரு வழக்குச் சொல்
நன்றி
இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.
நன்றி.
அன்புடன்