சொல் பொருள்

(பெ) 1. கைவளை, 

2. மகளிர் தோள்வளை, 

3. ஆண்கள் தோளில் அணியும் வீரவளை

4. உலக்கை, கைத்தடி, யானையின் தந்தம் ஆகியவற்றில் அணியப்படும் பூண்,

சொல் பொருள் விளக்கம்

கைவளை, 

மொழிபெயர்ப்புகள்

ஆங்கிலம்

bracelet

Armlet of women

Armlet of warriors

Ring, ferrule, knob of an elephant’s tusk

தமிழ் இலக்கியங்களில் பயன்பாடு:

ஒண் தொடி முன்கை யாம் அழ பிரிந்தே – ஐங் 38/4

ஒளிவிடும் வளையல்களை அணிந்த முன்கையையும் உடைய நாம் அழும்படி பிரிந்து செல்வதால் 

தோளே தொடி நெகிழ்ந்தனவே – நற் 197/1

தோள்கள் தம் தோள்வளைகள் நெகிழ்ந்துபோகுபடி ஆயின

கடிப்பு கண் உறூஉம் தொடி தோள் இயவர் – பதி 17/7

குறுந்தடியால் முரசின் கண்ணில் அறைந்து முழக்கும் தொடி அணிந்த தோள்களையுடைய இயவர்கள்

குரை தொடி மழுகிய உலக்கை – பதி 24/19

ஒலிக்கின்ற பூண் மழுங்கிப்போன உலக்கை

தொடி தலை விழு தண்டு ஊன்றி நடுக்கு_உற்று – புறம் 243/12

பூண் செறிந்த தலையையுடைய பெரிய தண்டுக்கோலை ஊன்றி தளர்ந்து

நீள் மதில் அரணம் பாய்ந்து என தொடி பிளந்து
வை நுதி மழுகிய தடம் கோட்டு யானை – ஐங் 444/2,3

நெடிய மதில்களையுடைய அரணைத் தாக்கியதால் கொம்பில் இறுக்கிய வளையம் பிளந்துபோக, கூர்மையான நுனியும் மழுங்கிவிட்ட பெரிய கொம்பினைக் கொண்ட யானைப்படையையுடைய

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்

Leave a Reply

Your email address will not be published.