சொல் பொருள்
வலிமை, பெருமை, பழமை, எருமை, எருது, செழுமை, கொழுமை, (ஊன்) துண்டம்
சொல் பொருள் விளக்கம்
வலிமை
மொழிபெயர்ப்புகள்
ஆங்கிலம்
strength, greatness, antiquity, buffalo, ox, bullock, Plumpness, luxuriance, bit, part
தமிழ் இலக்கியங்களில் பயன்பாடு: சிலை விசை அடக்கிய மூரி வெண் தோல் – பதி 45/16 வில் விசையால் வரும் அம்புகளை அடக்கிய வலிமையான வெள்ளிய தோலாலான கேடகத்தையும், முழங்கு திரை கொழீஇய மூரி எக்கர் – நற் 15/1 முழங்குகின்ற கடலலைகள் கொழித்துக் கொணர்ந்த பெரிதான மணல்மேடு முரம்பு அடைந்து இருந்த மூரி மன்றத்து – அகம் 103/6 வன்னிலத்தைச் சார்ந்திருந்த பழமையான பெரிய மன்றிலே காரிகை நீர் ஏர் வயல் காம களி நாஞ்சில் மூரி தவிர முடுக்கு முது சாடி – பரி 20/53,54 பெண்ணின் தன்மையைக் கொண்ட அழகு என்னும் வயலில், காமவெறியாகிய கலப்பையைக் கட்டி எம் தலைவரான எருமையைச் சோம்பிக்கிடக்காமல் முடுக்கிவிட்டு உழுகின்ற பலமுறை உழப்படும் உழவே! நெறி படு மருப்பின் இரும் கண் மூரியொடு வளை தலை மாத்த தாழ் கரும் பாசவர் – பதி 67/15,16 வளைவு வளைவாக அமைந்த கொம்பினையும் பெரிய கண்ணுமுடைய எருதுகளினுடையதும் வேறு வளைந்த தலைகளையுடைய விலங்குகளினுடையதுமான தாழ்ந்த இழிவான இறைச்சியை விற்போரின் ஔவை.சு.து.உரை முதை சுவல் கலித்த மூரி செந்தினை – அகம் 88/1 பழங்கொல்லையாகிய மேட்டு நிலத்தில் தழைத்த கொழுத்த செந்தினையின் வே.நாட்டார் உரை திருந்தா மூரி பரந்து பட கெண்டி – புறம் 391/5 திருந்தாத ஊன்கறியைச் சிறுசிறு துண்டாகப் பரக்குமாறு துண்டித்து திருந்தா மூரி – திருந்தாத ஊன்; மூரி – ஊன், ஔவை.சு.து.உரை, விளக்கம் திருந்தா மூரி – big pieces of meat, வைதேகி ஹெர்பர்ட் விளக்கம் வெண் நிண மூரி அருள – புறம் 393/14 வெள்ளிய ஊன் துண்டங்களைக் கொடுத்து உண்பித்து
குறிப்பு
இது சங்க இலக்கியங்களில் இடம்பெற்றுள்ளது
நன்றி
இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.
நன்றி.
அன்புடன்