Skip to content

சொல் பொருள்

(பெ) நாரை வகை

சொல் பொருள் விளக்கம்

நாரை வகை

மொழிபெயர்ப்புகள்

ஆங்கிலம்

a species of heron

தமிழ் இலக்கியங்களில் பயன்பாடு:

யானையங்குருகின் சேவலொடு காமர்
அன்னம் கரைய அணி மயில் அகவ – மது 674,675

யானையங்குருகு எனும் நாரையின் சேவல்களோடு விருப்பத்தையுடைய
அன்னச்சேவல்களும் (தம் பேடைகளை)அழைக்க, அழகிய மயில்கள் கூ

யானையங்குருகின் கானல் அம் பெரும் தோடு – குறு 34/5

யானைக்கொக்கு எனப்படும் பறவைகளின் கடற்கரையின் பெருங்கூட்டம்

இதனை வண்டாழ்ங்குருகு என்பர் நச்-உம் பொ.வே.சோ-வும் தம் உரைகளில். மேலும் பொ.வே.சோ அவர்கள் தம்
உரை விளக்கத்தில், யானையங்குருகு – சக்கரவாகப்புள் என்பார். திருப்பாவையுள் கூறப்படும் ஆனைச்சாத்தன்
என்பதுவும் இது என்பார் அவர்.
குஞ்சரக் குரல குருகு எனஒரு பறவை அகநானூற்றில் (145:15) கூறப்படுகிறது. அக்குருகே யானையங்குகுருகாயின்
யானையைப் போன்ற குரல் உடைமை பற்றி இப்பெயர் பெற்றது கொள்வதற்கு இடமுண்டு என்பார் உ.வே.சா தம்
உரை விளக்கத்தில்.

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்

Leave a Reply

Your email address will not be published.