அதிரல்

அதிரல் என்பது மரத்தில் படரும் கொடி

1. சொல் பொருள்

(பெ) காட்டு மல்லிகை.

2. சொல் பொருள் விளக்கம்

காட்டுமல்லிகை எனப் பேச்சு வழக்கில் சொல்லப்படும் மல்லிகையின் மணமில்லா மல்லிகை

1. வேனில் காலத்தில் பூக்கும். இம்மலர் இரவில் அல்லது வைகறைப் பொழுதில் மலரும்.
2. இதன் பூக்கள் பூனைப் பற்கள் அளவில் காணப்படுகின்றன
3. ஒருவகைக் கொடி. இது ஆற்றுமணலில் படர்ந்து வளரும்
4. மொட்டின் வடிவம் கூர்மையாகவும் நீட்சியுடையதாகவும் இருக்கும்

இதனைப் `புனலிக்கொடி’ என்று நச்சினாரிக்கினியரும், காட்டுமல்லிகை என்று அரும்பதவுரையாசிரியரும், மோசிமல்லிகை, என்று அடியார்க்கு நல்லாரும் குறிக்கின்றனர்

• பைங்கொடிஅதிரல் – வேம்பற்றூர்க் குமரனார்
• நுண்கொடிஅதிரல் – காவன் முல்லைப் பூதனார்
• நன்முகைஅதிரல் – பெருங்கடுங்கோ
• ததர்கொடிஅதிரல் – இளங்கீரனார்
• புதுப்பூஅதிரல் – ஓதலாந்தையார்
• வேனில்எதிரியஅதிரல் – பெருங்கடுங்கோ
• கூர்முகைஅதிரல் – ஔவையார்
• கொய்குழைஅதிரல் – தாயங்கண்ணனார்
• மாக்கொடிஅதிரல் – பாலத்தனார்
• முகைவீஅதிரல் – மோசி கண்ணத்தனார்

மொழிபெயர்ப்புகள்

3. ஆங்கிலம்

wild jasmine, Jasminum angustifolium, Derris scandens 

4. தமிழ் இலக்கியங்களில் பயன்பாடு

அதிரல் பூத்த ஆடு கொடி படாஅர் – முல் 51

காட்டு மல்லிகை பூத்த அசைகின்ற கொடியினையுடைய புதர்கள் இதன் அரும்பு குயிலின் வாய் போல் இருக்கும்.

குயில் வாய் அன்ன கூர் முகை அதிரல் – புறம் 269/1

இது ஓர் ஆண்டில் இளவேனில் காலத்தில் பூக்கும்

முதிரா வேனில் எதிரிய அதிரல் – நற் 337/3

முற்றாத இளவேனில் காலத்தை எதிர்நோக்கிய காட்டுமல்லிகையையும் இது ஒரு நாளில் மாலையில் மலரும்

எல்லி மலர்ந்த பைம் கொடி அதிரல் – அகம் 157/6

இரவில் மலர்ந்த பசிய அதிரல் கொடியை

அதிரல் பூத்த ஆடு கொடி படாஅர் - முல் 51

செருந்தி அதிரல் பெரும் தண் சண்பகம் - குறி 75

மா கொடி அதிரல் பூவொடு பாதிரி - நற் 52/1

முகை வீ அதிரல் மோட்டு மணல் எக்கர் - நற் 124/5

முதிரா வேனில் எதிரிய அதிரல்/பராரை பாதிரி குறு மயிர் மா மலர் - நற் 337/3,4

புது பூ அதிரல் தாஅய் - ஐங் 345/2

அதிரல் அம் கண்ணி நீ அன்பன் எற்கு அன்பன் - பரி 20/81

அதிரல் பரந்த அம் தண் பாதிரி - அகம் 99/6

எல்லி மலர்ந்த பைம் கொடி அதிரல்/பெரும் புலர் வைகறை அரும்பொடு வாங்கி - அகம் 157/6,7

கொய் குழை அதிரல் வைகு புலர் அலரி - அகம் 213/4

நன் முகை அதிரல் போதொடு குவளை - அகம் 223/14

உயர் பதுக்கு இவர்ந்த ததர் கொடி அதிரல்/நெடு நிலை நடுகல் நாள் பலி கூட்டும் - அகம் 289/2,3

வரி மென் முகைய நுண் கொடி அதிரல்/மல்கு அகல் வட்டியர் கொள்வு இடம் பெறாஅர் - அகம் 391/2,3

வேனில் அதிரல் வேய்ந்த நின் - அகம் 393/25

குயில் வாய் அன்ன கூர் முகை அதிரல்/பயிலாது அல்கிய பல் காழ் மாலை - புறம் 269/1,2

நுண் கொடி அதிரலொடு நுணங்கு அறல் வரிப்ப - அகம் 237/2

வேனில் அதிரலொடு விரைஇ காண்வர - அகம் 261/2

அதிரல் பரந்த அசோகம் தண் பொழில் - உஞ்ஞை:40/121

அணி குருக்கத்தியும் அதிரலும் அனுக்கி - உஞ்ஞை:51/39

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்