ஏமா

சொல் பொருள்

(வி) 1. மகிழ், இன்பமடை,  2. ஆசைப்படு,  3. ஏமாந்துபோ,  4. கலக்கமுறு

சொல் பொருள் விளக்கம்

மகிழ், இன்பமடை,

மொழிபெயர்ப்புகள்

ஆங்கிலம்

rejoice, desire, get disappointed, be perplexed

தமிழ் இலக்கியங்களில் பயன்பாடு:

நின் பயம் பாடி விடிவு உற்று ஏமாக்க – பரி 7/85

உன்னால் கிடைக்கும் இன்பமான பயனைப் பாடி, துன்பம் நீங்கப்பெற்று மகிழ்வோமாக

அருந்த ஏமாந்த நெஞ்சம் – புறம் 101/9

உண்ண ஆசைப்பட்ட நெஞ்சே!

பெரும் தேன் கண்படு வரையில் முது மால்பு
அறியாது ஏறிய மடவோன் போல
ஏமாந்தன்று இ உலகம் – குறு 273/5-7

பெரிய தேனிறால் தங்கியிருக்கும் மலைப்பக்கத்தில், பழைய கண்ணேணியின்மேல்
அறியாமல் ஏறிய அறிவிலியைப் போல
ஏமாந்தது இந்த உலகம்

நெஞ்சு ஏமாப்ப இன் துயில் துறந்து – மது 575

நெஞ்சு கலக்கமுறும்படி இனிய கூட்டத்தைக் கைவிட்டு,

குறிப்பு

இது சங்க இலக்கியங்களில் இடம்பெற்றுள்ளது

நன்றி

இந்த வலைத்தளம் பற்றிய உங்கள் எண்ணங்களைத் ⭐️⭐️⭐️⭐️⭐️ தயவுசெய்து பதிவு செய்யுங்கள். ஆக்கபூர்வமான உங்கள் கருத்துக்களும் விமர்சனங்களும் இத்தமிழ் வலைத்தளத்தை மேலும் மெருகூட்ட உதவியாக இருக்கும்.

நன்றி.

அன்புடன்

சொலல்வல்லன்